قازاقستان رەسپۋبليكاسى ادىلەت مينيسترلىگىنىڭ بۇيرىعى №25

2015 جىلعى 20 قاڭتار,  استانا قالاسى جەر قويناۋىن پايدالانۋعا ارنالعان كەلىسىمشارتتار جوبالارىنىڭ قۇقىقتىق ساراپتاماسىن جۇزەگە اسىرۋ ەرەجەلەرىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسى زاڭىنىڭ 26-بابىنىڭ 4-تارماعىنا, سونداي-اق «ادىلەت ورگاندارى تۋرالى» 2002 جىلعى 18 ناۋرىزداعى قازاقستان رەسپۋبليكاسى زاڭىنىڭ 7-بابىنىڭ 2-تارماعىنىڭ 3) تارماقشاسىنا سايكەس, بۇيىرامىن: 1. قوسا بەرىلىپ وتىرعان جەر قويناۋىن پايدالانۋعا ارنالعان كەلىسىمشارتتار جوبالارىنىڭ قۇقىقتىق ساراپتاماسىن جۇزەگە اسىرۋ ەرەجەلەرى بەكىتىلسىن. 2. قازاقستان رەسپۋبليكاسى ادىلەت مينيسترلىگىنىڭ مەملەكەتتىڭ م ۇلىكتىك قۇقىقتارىن قورعاۋ دەپارتامەنتى: 1) وسى بۇيرىقتىڭ مەملەكەتتىك تىركەلۋىن جانە ونى مەملەكەتتىك تىركەگەننەن كەيىن كۇنتىزبەلىك 10 كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق قۇقىقتىق جۇيەسىندە رەسمي جاريالانۋىن; 2) قازاقستان رەسپۋبليكاسى ادىلەت مينيسترلىگىنىڭ ينتەرنەت-رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ادىلەت مينيسترلىگىنىڭ جاۋاپتى حاتشىسى م.ب. بەكەتاەۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن باستاپ كۇنتىزبەلىك 10 كۇن وتكەن سوڭ قولدانىسقا ەنگىزىلەدى. مينيستر ب.يماشەۆ. «كەلىسىلدى» قازاقستان رەسپۋبليكاسىنىڭ ەنەرگەتيكا ءمينيسترى ______________ ۆ.س.شكولنيك 23 قاڭتار 2015 جىل «كەلىسىلدى» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى _____________ ءا.و.يسەكەشەۆ 27 قاڭتار 2015 جىل قازاقستان رەسپۋبليكاسى ادىلەت ءمينيسترىنىڭ 2015 جىلعى 20 قاڭتارداعى №25 بۇيرىعىمەن بەكىتىلگەن جەر قويناۋىن پايدالانۋعا ارنالعان كەلىسىمشارتتار جوبالارىنىڭ قۇقىقتىق ساراپتاماسىن جۇزەگە اسىرۋ ەرەجەلەرى 1. جالپى ەرەجەلەر 1. وسى ەرەجەلەر جەر قويناۋىن پايدالانۋعا ارنالعان كەلىسىمشارتتار جوبالارىنا قۇقىقتىق ساراپتاما جۇرگىزۋ ءتارتىبىن انىقتايدى. 2. وسى ەرەجەلەردە كەلەسى تەرميندەر مەن انىقتامالار قولدانىلادى: 1) جەر قويناۋىن پايدالانۋعا ارنالعان كەلىسىمشارت جوباسى – قۇزىرەتتى ورگان نەمەسە جەر قويناۋىن زەرتتەۋ جانە پايدالانۋ جونىندەگى ۋاكىلەتتى ورگان نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى مەن جەكە جانە (نەمەسە) زاڭدى تۇلعا اراسىنداعى جەر قويناۋىن پايدالانۋ جونىندەگى وپەراتسيالاردىڭ جەكەلەگەن تۇرلەرىن جۇرگىزۋگە ارنالعان شارتتىڭ جوباسى; 2) جەر قويناۋىن پايدالانۋشى – وسى زاڭعا سايكەس جەر قويناۋىن پايدالانۋ جونىندەگى وپەراتسيالاردى جۇرگىزۋگە قۇقىعى بار جەكە نەمەسە زاڭدى تۇلعا; 3) قۇزىرەتتى ورگان – ەگەر قازاقستان رەسپۋبليكاسىنىڭ زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە وزگەشە بەلگىلەنبەسە, كەڭ تارالعان پايدالى قازبالاردى بارلاۋعا, وندىرۋگە ارنالعان كەلىسىمشارتتاردى قوسپاعاندا, بارلاۋعا, وندىرۋگە, بىرلەسكەن بارلاۋ مەن وندىرۋگە ارنالعان كەلىسىمشارتتاردى جاساسۋعا جانە ورىنداۋعا بايلانىستى قۇقىقتاردى قازاقستان رەسپۋبليكاسىنىڭ اتىنان جۇزەگە اسىراتىن, قازاقستان رەسپۋبليكاسىنىڭ ۇكىمەتى ايقىندايتىن ورتالىق اتقارۋشى ورگان; 4) قۇقىقتىق ساراپتاما — كەلىسىمشارت جوباسىنىڭ قۇرىلىمى مەن مازمۇنىنىڭ قۇزىرەتتى ورگانىمەن بەكىتىلگەن مودەلدىك كەلىسىمشارتقا (بۇدان ءارى – مودەلدىك كەلىسىمشارت) جانە «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ زاڭىنا (بۇدان ءارى - زاڭ) سايكەستىگىن تەكسەرۋ ماقساتىندا جۇزەگە اسىرىلاتىن تالداۋ جانە باعالاۋ; 5) مودەلدىك كەلىسىمشارت – كەلىسىمشارتتاردىڭ جەكەلەگەن تۇرلەرىنىڭ ەرەكشەلىكتەرىن, جەر قويناۋىن پايدالانۋ جونىندەگى وپەراتسيالاردىڭ جەكەلەگەن تۇرلەرىن جۇرگىزۋدى قامتيتىن, سونداي-اق كەلىسىمشارت جوباسىن ازىرلەۋ كەزىندە نەگىز رەتىندە قولدانىلاتىن تيپتىك كەلىسىمشارت. وسى ەرەجەلەردە قولدانىلاتىن وزگە دە تەرميندەر مەن انىقتامالار زاڭدا قولدانىلاتىن تەرميندەر مەن انىقتامالارعا سايكەس كەلەدى. 3. جەر قويناۋىن پايدالانۋعا ارنالعان كەلىسىمشارت جوباسىنا قۇقىقتىق ساراپتامانى ادىلەت مينيسترلىگى, ال كەڭ تارالعان پايدالى قازبالار بويىنشا ساراپتامانى وبلىس, رەسپۋبليكالىق ماڭىزى بار قالا جانە استانانىڭ اۋماقتىق ادىلەت ورگاندارى جۇرگىزەدى. 4. جەر قويناۋىن پايدالانۋعا ارنالعان كەلىسىمشارت جوباسىنا قۇقىقتىق ساراپتاما قۇجاتتار پاكەتى تولىق كەلىپ تۇسكەن كۇنىنەن باستاپ كۇنتىزبەلىك وتىز كۇن ىشىندە جۇزەگە اسىرىلادى. 2. جەر قويناۋىن پايدالانۋعا ارنالعان كەلىسىمشارت جوباسىنا قۇقىقتىق ساراپتاما جۇرگىزۋ ءتارتىبى 5. پايدالى قازبالاردى بارلاۋ, ءوندىرۋ, سونداي-اق بىرلەسكەن بارلاۋ جانە ءوندىرۋ بويىنشا جۇمىستار جۇرگىزۋگە كەلىسىمشارتتار جوبالارىنا قۇقىقتىق ساراپتاما جۇرگىزۋ ءۇشىن قۇزىرەتتى ورگان قر ادىلەت مينيسترلىگىنە, ال وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانى وبلىستىڭ, رەسپۋبليكالىق ماڭىزى بار قالانىڭ, استانانىڭ ءتيىستى اۋماقتىق ادىلەت ورگانىنا مىنالاردى قامتيتىن قۇجاتتار پاكەتىن ۇسىنادى: 1) گەولوگيالىق اقپاراتتى ساتىپ الۋ كەزىندە قۇپيالىلىق تۋرالى كەلىسىمنىڭ تاريحي شىعىندار سوماسىنىڭ ەسەبى قوسا بەرىلگەن كوشىرمەسىنىڭ قازاق جانە ورىس تىلىندەگى نۇسقاسى; 2) جۇمىس باعدارلاماسىنىڭ جوباسى; 3) زاڭدا بەلگىلەنگەن كەلىسىمشارتتى جاساۋ مەرزىمنىڭ ءوتۋ جاعدايىندا, قۇزىرەتتى ورگاننىڭ كەلىسىمشارت جوباسىن قاراستىرۋ مەرزىمنىڭ ۇزارتۋ تۋرالى حاتى; 4) كەلىسىمشارت جوباسىنىڭ قازاق جانە ورىس تىلىندەگى نۇسقاسى; 5) كەلىسىمشارت تۇرىنە بايلانىستى گەولوگيالىق نەمەسە تاۋ-كەندىك ءبولۋ; 6) كونكۋرستىق ۇسىنىس جاسالعان نەمەسە تىكەلەي كەلىسسوزدەر حاتتاماسىنا قول قويىلعان كۇنىنەن باستاپ كەلىسىمشارتتى بەكىتۋ ءۇشىن بەرىلگەن مەرزىم وتكەن جاعدايدا قۇزىرەتتى ورگاننىڭ كەلىسىمشارت جوباسىن قاراستىرۋعا بەرىلگەن مەرزىمدى ۇزارتۋ جونىندەگى حاتى; 7) قول قويىلاتىن بونۋستى جانە گەولوگيالىق اقپاراتتى ساتىپ الۋ, تاريحي شىعىنداردى تولەۋ تۋرالى تۇبىرتەك; 8) قۇزىرەتتى ورگاننىڭ نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ وسى تۇلعامەن كەلىسسوزدەر جۇرگىزۋ جانە وپەراتسيالار جۇرگىزۋگە كەلىسىمشارت جوباسىنىڭ تالاپتارىن تالقىلاۋ جونىندەگى جۇمىس توبى وتىرىسىنىڭ حاتتاماسى; 9) تۇلعانىڭ كونكۋرستا جەڭىپ شىعۋىنا نەگىز بولعان كونكۋرستىق ۇسىنىستىڭ, اۋكتسيون جەڭىمپازىنىڭ ءوتىنىشىنىڭ جانە اۋكتسيون حاتتاماسىنىڭ قۇزىرەتتى ورگان نەمەسە جەرگىلىكتى اتقارۋشى ورگاننىڭ مەملەكەتتىك جانە ورىس تىلدەرىندە كۋالاندىرعان كوشىرمەسى نەمەسە تىكەلەي كەلىسسوزدەر حاتتاماسىنىڭ كوشىرمەسى. 6. وسى ەرەجەلەردىڭ 5-تارماعىندا كورسەتىلگەن قۇجاتتاردىڭ بولماۋى جەر قويناۋىن پايدالانۋعا ارنالعان كەلىسىمشارت جوباسىنا قۇقىقتىق ساراپتاما جۇرگىزۋدەن باس تارتۋ ءۇشىن نەگىز بولىپ تابىلادى. 7. پايدالى قازبالاردى بارلاۋعا, وندىرۋگە, بىرلەسكەن بارلاۋ مەن وندىرۋگە ارنالعان كەلىسىمشارت جوبالارىنا قۇقىقتىق ساراپتاما مىنا تالاپتار بويىنشا جۇرگىزىلەدى: 1) قازاقستان رەسپۋبليكاسىنىڭ كونستيتۋتسياسىنا, قازاقستان رەسپۋبليكاسىنىڭ زاڭىنا جانە قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنە جانە راتيفيكاتسيالانعان حالىقارالىق شارتتارعا سايكەستىگى; 2) كەلىسىمشارت جوباسىنىڭ قۇرىلىمى مەن مازمۇنىنىڭ بەكىتىلگەن مودەلدىك كەلىسىمشارتقا, سونداي-اق ۇسىنىلعان قۇجاتتار پاكەتىنە سايكەستىگى. 8. جەر قويناۋىن پايدالانۋعا ارنالعان كەلىسىمشارت جوبالارىنا قۇقىقتىق ساراپتامانىڭ ناتيجەسى بولىپ وڭ نەمەسە تەرىس قورىتىندى تابىلادى, ول قۇقىقتىق ساراپتامانىڭ ەكسپەرتتىك قورىتىندىسى تۇرىندە راسىمدەلەدى. 9. جەر قويناۋىن پايدالانۋعا ارنالعان كەلىسىمشارت جوباسىنا قۇقىقتىق ساراپتاما جۇرگىزۋ ناتيجەلەرى بويىنشا حاتقا ۋاكىلەتتى ادام قول قويادى جانە قۇزىرەتتى ورگاننىڭ نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنىڭ اتىنا جىبەرىلەدى. 10. قۇقىقتىق ساراپتاماعا قايتا ۇسىنىلعان كەزدە جەر قويناۋىن پايدالانۋعا ارنالعان كەلىسىمشارتتىڭ پىسىقتالعان جوباسى ول كەلىپ تۇسكەن كۇننەن باستاپ كۇنتىزبەلىك وتىز كۇننەن اسپايتىن مەرزىمدە قاراستىرىلادى. ەرەجەلەردىڭ 5-تارماعىندا كورسەتىلگەن قۇجاتتار پاكەتى ەنگىزىلمەيدى. 11. زاڭنىڭ 62-بابىنا سايكەس, قۇقىقتىق ساراپتامانىڭ ەسكەرتۋلەرىمەن كەلىسپەگەن جاعدايدا جەر قويناۋىن پايدالانۋعا ارنالعان كەلىسىمشارتتى جاساسۋعا ۇمىتكەر تۇلعا ءوزىنىڭ دالەلدى قارسىلىقتارىن قۇزىرەتتى ورگانعا نەمەسە وبلىستىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگانىنا ولاردى كەلىسىم كوميسسياسىندا قاراۋ ءۇشىن جىبەرۋگە قۇقىلى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 30 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10169 بولىپ ەنگىزىلدى.